Փնտրում ենք երաժշտական միջոցառման պրոդյուսեր

Մեդիա նախաձեռնությունների կենտրոնը (ՄՆԿ) հրավիրում է համերգների, մշակութային միջոցառումների և բեմական նախագծերի կազմակերպման փորձ ունեցող մասնագետներին դիմելու երաժշտական միջոցառման պրոդյուսերի աշխատանքի համար։

Միջոցառման մասին

Այս համերգը երաժշտական-բեմական յուրահատուկ նախագիծ է, որի գլխավոր մասնակիցները լրագրողներն են՝ այս անգամ ոչ թե իրենց մասնագիտական, այլ ստեղծագործական դերում։

Համերգը նպատակ ունի երաժշտության և բեմական արվեստի միջոցով խթանել մեդիայի և հանրության երկխոսությունը, նոր ու ոչ ավանդական ձևաչափով անդրադառնալ խոսքի ազատությանը, պատասխանատու լրագրությանը և ժամանակակից տեղեկատվական մարտահրավերներին։ Միաժամանակ այն հնարավորություն կտա բացահայտելու լրագրողների ստեղծագործական ներուժը և հանրությանը ներկայացնելու նրանց մասնագիտական կերպարի՝ «կադրից դուրս» կողմը։

Նախատեսվում է շուրջ 10 երաժշտական կատարում․ միջոցառման անցկացման ժամկետը՝ դեկտեմբեր։

Պրոդյուսերի հիմնական պարտականությունները

Պրոդյուսերը պատասխանատու կլինի համերգի ստեղծագործական հայեցակարգի մշակման, բեմական ծրագրի ձևավորման և միջոցառման նախապատրաստման ու իրականացման ամբողջական համակարգման համար՝ սերտորեն համագործակցելով ՄՆԿ-ի թիմի և ներգրավված մասնագետների հետ։

Մասնավորապես՝

  • Մշակել համերգի ստեղծագործական հայեցակարգը, բեմական լուծումներն ու սցենարը՝ ներառյալ կատարումների հաջորդականությունն ու անցումները։
  • Ձևավորել ելույթների ձևաչափերը՝ հաշվի առնելով նրանց հնարավորություններն ու համերգի հիմնական ուղերձները։
  • Համակարգել լրագրողների, երաժիշտների և ստեղծագործական թիմի աշխատանքը, կազմակերպել փորձերն ու մասնակիցների նախապատրաստումը։
  • ՄՆԿ-ի թիմի հետ համատեղ համակարգել համերգի տեխնիկական և կազմակերպչական աշխատանքները՝ ներառյալ ձայնային, լուսային և տեսանկարահանման ապահովումը։
  • Ապահովել համերգի բեմական ընթացքն ու ծրագրի սահուն իրականացումը։

Նշում։ Երաժիշտների ընտրությունն ու ներգրավումն ապահովում է Մեդիա նախաձեռնությունների կենտրոնը։ Պրոդյուսերը համակարգում է նրանց և մյուս մասնակիցների աշխատանքը՝ համերգի ընդհանուր հայեցակարգին համապատասխան։

Պահանջվող որակավորումներ և հմտություններ

  • Երաժշտական կրթություն կամ կատարման փորձ,
  • Համերգների, մշակութային միջոցառումների բեմական նախագծերի պրոդյուսերական աշխատանքի փորձ,
  • Ստեղծագործական հայեցակարգերի, համերգային սցենարների և բեմական լուծումների մշակման կարողություն,
  • Պրոֆեսիոնալ և ոչ պրոֆեսիոնալ երաժշտական կատարողների հետ աշխատելու, փորձերը կազմակերպելու և ստեղծագործական ու տեխնիկական թիմերի աշխատանքը համակարգելու փորձ,
  • Կազմակերպչական և հաղորդակցման լավ հմտություններ, սահմանված ժամկետներում արդյունավետ աշխատելու կարողություն։

Դիմելու կարգը

Հետաքրքրված մասնագետներին խնդրում ենք ուղարկել՝

  1. Ինքնակենսագրական (CV)՝ համապատասխան մասնագիտական փորձի և իրականացված նախագծերի նկարագրությամբ։
  2. Ընտրված մասնակիցները կհրավիրվեն հարցազրույցի։

Դիմումներն ուղարկել՝ [email protected], նամակի թեմա (Subject) դաշտում նշելով «Պրոդյուսերի հայտ»։

Դիմելու վերջնաժամկետ՝ նոյեմբերի 30։

Միջոցառման իրականացման ժամկետը՝ դեկտեմբեր։

Համերգն իրականացվում է Մեդիա նախաձեռնությունների կենտրոնի կողմից՝ «Դիմակայելու արվեստը» նախագծի շրջանակում։

 



Leave a Reply