- November 26, 2021
- Posted by: admin
- Category: Հնարավորություններ
Դեկտեմբերի 8-10-ին հրավիրում ենք մասնակցելու մոբայլ լրագրության դասընթացի։ Եռօրյա դասերի և գործնական աշխատանքի արդյունքում սովորելու ենք հեռախոսով լրագրողական պատմություններ պատրաստել։
Դասընթացը կազմակերպում են Մեդիա նախաձեռնությունների կենտրոնը և շվեդական Fojo մեդիա ինստիտուտը։ Այն վարելու է մուլտիմեդիա վիդեո պրոդյուսեր, խմբագիր, լրագրող Հարություն Մանսուրյանը։
Դասընթացի հիմնական թեմաներն են․
- լրագրություն հեռախոսով. երբ և ինչու է կիրառվում, առավելություններն ու թերությունները,
- ինչպես պատմություն պատմել՝ իմաստն ու ձևը,
- պատմության սկիզբն ու վերջը, էլեմենտները (հարցազրույց, տեքստ, բնաձայն)։
- շարժումը կադրում և կադրի շարժումը, կադրի կոմպոզիցիան,
- տեսանյութեր պատրաստելու լավագույն բջջային հավելվածները,
- ինչպես աշխատել վիդեո հավելվածներով, վիդեոյի և աուդիոյի համադրությունը,
- ինչպես մոնտաժել հեռախոսով արված տեսանյութերը։
Դասընթացը հիմնված է գործնական աշխատանքի վրա, և մասնակցել ցանկացողները իրենց հետ պետք է ունենան սմարթֆոններ՝ առնվազն 3-4 gb ազատ հիշողությամբ, ցանկալի է նաև ականջակալներ։
Դասերն անցկացվելու են դեկտեմբերի 8- 9-10-ին, ամեն օր ժամը 10։00-18։00-ը ՄՆԿ գրասենյակում, հասցեն՝ Երևան, Արշակունյաց 3, 3-րդ հարկ։
Մասնակցությունն անվճար է։ Մարզերից մասնակիցների կեցության և ճանապարհի ծախսերը կհոգան կազմակերպիչները։ Աշխատանքային լեզուն հայերենն է։
Դասընթացին կարող են դիմել
– մուլտիմեդիա խմբագրություններում աշխատող լրագրողները,
– ազատ (freelance) թղթակիցները,
– լրագրության ֆակուլտետներում սովորող ուսանողները։
Հայտերն ընդունվում են մինչև դեկտեմբերի 5-ը։ Լրացուցիչ տեղեկություններ կարող եք ստանալ Նարինե Սաֆարյանից, 010 58 63 20; [email protected]
Հարություն Մանսուրյանը 300-ից ավելի վիդեո պատմությունների և վավերագրական ֆիլմերի պրոդյուսեր է։ Ունի ավելի քան 25 տարվա վիդեոարտադրությամբ զբաղվելու փորձ։ Վերջին 7 տարիներին աշխատել է Ազատ Եվրոպա/Ազատություն (RFE/RL) ռադիոկայանում որպես մուլտիմեդիա վիդեո պրոդյուսեր։ Դրանից առաջ եղել է Մեդիա նախաձեռնությունների կենտրոնի արտադրության բաժնի ղեկավարը։
Բարև Ձեզ այս հայտադիմումը ընթերցող։
Ես Ալբինա Մուրադյանն եմ, սովորում եմ ԵՊՀ Արևելագիոտթւայ ֆակուլտետի թուրքական պատմամաբանասիրության մագիստրոսական ծրագրի 1-ին կուրսում։ Ավարտել եմ Առաջին ալիքի Մեդիա Ակադեմիայի լրագրության բաժինը, ներկայումս աշխատում եմ Ազգային Ժողովրդավարության ինստիտուտում, և որպես պրակտկանտ ԱԺ-ում։
ԵՊՀ Արևելագիտության ֆակուլտետի գիտական խորհրի անդամ եմ, նաև նույն ֆակուլտետի ուսանողական գիտական ընկերության քարտուղարը։
Տիրապետում եմ անգլերենի, թուրքերենի, ռուսերենի։
Հարգանքով,
Ալբինա Մուրադյան
Հեռախոսահամար +374 94 58 01 68
Ցանկանում եմ մասնակցել դասընթացին։
Ես Կարենն եմ` լրագրության առաջին կուրսից,ապագա լրագրող,հեռուստահաղորդավար ։
Չեմ խուսափում նոր գիտելիքներ ստանալուց և փորձում եմ անել ամեն հնարավորը։♥️♥️♥️
Ցանկանում եմ գրանցվել
Գրանցված ե՞մ