Media.am-ի հայտարարությունը Facebook-ի փաստերի ստուգման ծրագրի վերաբերյալ

2021թ հունիսի 1-ից Հայաստանում մեկնարկել է Facebook-ի փաստերի ստուգման  ծրագիրը: Համագործակցության շրջանակներում, GRASS-ի «Փաստ-մետրը» (FactCheck Georgia), որն ունի ունի Փաստերի ստուգման միջազգային ցանցի (IFCN) հավաստագիր, 2021թ․ հունիս-հուլիս ամիսների ընթացքում կհամագործակցի Մեդիա նախաձեռնությունների կենտրոնի հետ՝ Facebook-ում և Instagram-ում հայերեն լեզվով տարածված նյութերի բովանդակությունը ստուգելու նպատակով:

Հոդվածները հրապարակվում են FactCheck Georgia-ի և Մեդիա նախաձեռնությունների կենտրոնի media.am կայքերում։

Ինչպե՞ս է աշխատում ծրագիրը 

Facebook-ում հնարավոր սխալ տեղեկություն պարունակող նյութ հայտնաբերելուց հետո, «Փաստ-մետրը» վիճելի նյութը գնահատում է  Facebook-ի հետևյալ վճիռներով՝ 

1. Կեղծ (False)
2. Խմբագրված (Altered)
3. Մասամբ կեղծ (Partly False)
4. Առանց համատեքստի (Missing Context)
5. Երգիծանք (Satire)
6. Ճշմարտություն (True)

«Փաստ-մետրի» (www.factcheck.ge) կողմից առաջին չորս վճռով (կեղծ, խմբագրված, մասամբ կեղծ, առանց համատեքստի) գնահատված բովանդակություն տարածող հրապարակողների (անհատական օգտատեր, Facebook էջ) նկատմամբ Facebook-ը որոշակի սահմանափակումներ է սահմանում, ինչն այդ թվում ենթադրում է նման նյութեր տարածելու սահմանափակում: Նույն հրապարակողների կողմից նման խախտում կրկին հայտնաբերելու դեպքում, Facebook-ը հնարավոր է նրանց դեմ լրացուցիչ միջոցներ ձեռնարկի` տարածման կրճատում, գովազդի և դրամայնացման (մոնետիզացիայի) հնարավորությունների սահմանափակում և այլն: 

Բողոքարկման և ուղղման քաղաքականություն 

Եթե Ձեր կողմից հրապարակված նյութը նշվում է Facebook-ում փաստեր ստուգող կազմակերպության կողմից պատրաստված հոդվածով, դուք ունեք հրապարակմանն օժտված վճիռը վերանայելու պահանջ ներկայացնելու հնարավորություն: Դա անելու համար երկու ճանապարհ կա՝ հրապարակողի կողմից նյութի ուղղում և վճռի բողոքարկում: 

Կարևոր է!

Մի ջնջե՛ք վիճելի նյութը: Լինի դա Facebook հրապարակում, թե կայքում տեղադրված տեղեկություն, հակառակ դեպքում՝ Ձեր դեմ Facebook-ի կողմից սահմանված սահմանափակումները կմնան ուժի մեջ և մենք չենք կարողանա կայացրած վճիռը փոխել, ոչ ուղղելու, ոչ էլ՝ բողոքարկման պահանջի հիման վրա: 

Բողոքարկման և ուղղման կանոնների մասին մանրամասն տեղեկությանը ծանոթացեք FactCheck.ge-ի կայքում։

Փաստերի ստուգման ծրագրի վերաբերյալ լրացուցիչ տեղեկությունների կարող եք ծանոթանալ այստեղ: Փաստերի ստուգման միջազգային ցանցի և դրա սկզբունքների վերաբերյալ լրացուցիչ տեղեկություններ կարելի է գտնել այստեղ և այստեղ: