Աուդիոպատմություն․ ձևաչափ և հմտություններ դասընթաց լրագրողների համար

Մեդիա նախաձեռնությունների կենտրոնն անկախ լրագրողներին և լրատվամիջոցների ներկայացուցիչներին հրավիրում է մասնակցելու աուդիոպատմություններ ստեղծելու (փոդքասթ) դասընթացի։

Դասընթացի նպատակն է խթանել տարբեր թեմաներով և ձևաչափերով որակյալ և վստահելի աուդիոբովանդակության ստեղծումը և փոդքասթինգի զարգացումը Հայաստանում։

Համաձայն Հայաստանում խոսքի ազատության և մեդիայի սպառման հետազոտության` հայկական փոդքասթները ևս տեղեկատվության սպառման աղբյուր են դարձել՝ սոցիալական և քաղաքական լուրեր ստանալու տեսանկյունից։ Դասընթացը կխրախուսի առողջության, կրթության, անվտանգության, մարդու իրավունքների, գիտության և այլ թեմաներով աուդիոպատմություների ստեղծումը՝ հետևյալ հմտությունների միջոցով․

• զարգացնել փոդքասթի գաղափարը,
• ընտրել համապատասխան ձևաչափ ու կառուցվածք,
• ձայնագրել, մոնտաժել, հղկել ասելիքը,
• տարածել և հասանելի դարձնել արտադրանքը լսարանին։

Դասընթացը կանցկացվի ՄՆԿ գրասենյակում, երկու փուլով․

Շաբաթ, դեկտեմբերի 16, ժամը՝ 10.00-18.00․ ներածություն և հմտություններ,

Երկուշաբթի, երեքշաբթի, դեկտեմբերի 18-19, ժամը՝ 16.00-18.30․ օրինակներ և առաջադրանքներ։

Դասընթացավարներն ու մենթորները մասնակիցներին կտրամադրեն նախագծեր իրականացնելու խորհրդատվություն նաև դասընթացից հետո։

Մասնակիցները կընտրվեն մրցութային կարգով, առավելությունը կտրվի այն դիմորդներին, որոնք ունեն փոդքասթ ստեղծելու գաղափար, թեմաներ և նվիրվածություն ու պատրաստ են մեկնարկել այն դասընթացի ավարտից անմիջապես հետո։

Ինչպե՞ս դիմել

Դասընթացին մասնակցելու համար անհրաժեշտ է լրացնել առցանց հայտը։

Դիմելու վերջնաժամկետն է դեկտեմբերի 5-ը։

Լրացուցիչ տեղեկությունների համար կարող եք դիմել Նարինե Սաֆարյանին (ՄՆԿ), [email protected], հեռ․՝ 055 89 57 00։

Դասընթացն անցկացնում է Մեդիա նախաձեռնությունների կենտրոնը՝ Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության միջոցով իրականացվող «Հայաստանի մեդիայի զարգացման ծրագրի» շրջանակում: Ծրագիրն իրականացնում է Ինտերնյուս կազմակերպությունը՝ Մեդիա նախաձեռնությունների կենտրոնի, Երևանի մամուլի ակումբի և «Զինք» միջազգային կազմակերպության հետ համատեղ։