- November 10, 2023
- Posted by: admin
- Category: Նորություններ
«7×7 մեդիագրագիտություն» նոր ձևաչափի հանդիպման շրջանակում 7 մասնագետ ԵՊՀ լրագրության ֆակուլտետի ուսանողներին ներկայացրին 7 կարևոր թեմա։
7 րոպեում նրանք խոսեցին պատերազմի ժամանակ տարածվող ապատեղեկատվության, փաստերի ստուգման գործիքների, ճգնաժամային ու հետճգնաժամային իրավիճակներում վիզուալ բովանդակություն ստեղծելու, ռազմական բախումները գրագետ լուսաբանելու գործիքների, «մեդիա-տոկունության», թվային վտանգների ու միջազգային մեդիայի հետ աշխատելու մասին։
Ծրագրի նկարագրություն․ «Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագիրը Եվրոպական միության կողմից համաֆինանսավորվող նախաձեռնություն է, որի նպատակն է առաջիկա երեք տարիների ընթացքում ամրապնդել Հայաստանի քաղաքացիական հասարակության կարողությունները՝ երիտասարդներին կրթելու և հզորացնելու գործում։ Եռամյա ծրագիրն իրականացնում է Կոնրադ Ադենաուեր հիմնադրամի հայաստանյան մասնաճյուղը Վորլդ Վիժն Հայաստանի, Երիտասարդական նախաձեռնությունների կենտրոնի և Մեդիա նախաձեռնությունների կենտրոնի հետ համատեղ:
Մեդիագրագիտության շաբաթը իրականացվում է նաև Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության միջոցով իրականացվող «Հայաստանի մեդիայի զարգացման ծրագրի» շրջանակում: Ծրագիրն իրականացնում է Ինտերնյուս կազմակերպությունը՝ Մեդիա նախաձեռնությունների կենտրոնի, Երևանի մամուլի ակումբի և «Զինք նեթվորք» միջազգային կազմակերպության հետ համատեղ։