Մեդիագրագիտության ամառային դպրոց դասավանդողների համար

Մեդիա նախաձեռնությունների կենտրոնը հուլիսի 17-ից 21-ը կազմակերպում է խորացված վերապատրաստման ամառային դպրոց մեդիագրագիտության թեմայով` ուսուցիչների և դասավանդողների համար։ Մասնակցել կարող են դասընթացով հետաքրքրված ուսուցիչներն ու դասավանդողները, որոնք նախկինում ընդգրկված են եղել մեդիագրագիտությանն առնչվող ծրագրերում կամ դասընթացներում։

Ամառային դպրոցի նպատակն է պատրաստել մեդիագրագիտության մասնագետների խումբ, որի անդամները հետաքրքրված են մասնակցելու ուսուցիչների և դասավանդողների հետագա վերապատրաստումներին՝ որպես դասընթացավար, ինքնուրույն նախաձեռնելու և անցկացնելու նման վերապատարաստումներ Երևանում ու մարզերում:

Ամառային դպրոցը կօգնի

• զարգացնել մեդիայի վերլուծության, փաստերի ստուգման և թվային անվտանգության հմտությունները
• համապատասխանեցնել մեդիագրագիտության թեմաները դպրոցական ծրագրերին, հանրակրթության պետական չափորոշիչներին
• կազմել դասի պլաններ, նախագծային ուսուցման ձևաչափեր։

Դպրոցի շրջանավարտները հնարավորություն կունենան

• դիմել փոքր դրամաշնորհների՝ իրենց համայնքներում մեդիագրագիտության ծրագրեր իրականացնելու համար
• ընդգրկվել ՄՆԿ դասավանդողների ցանցում

Վերապատրաստման դասընթացը կվարեն ՄՆԿ մասնագետները, ֆորմալ և ոչ ֆորմալ կրթության և մեդիագրագիտության հրավիրված փորձագետները։

Մասնակցության պայմաններ

Ամառային դպրոցը կանցկացվի հուլիսի 17-ից 21-ը Աղվերանում։ Մասնակցությունն անվճար է, տեղափոխման ու կեցության ծախսերը հոգում են կազմակերպիչները։

Դիմել կարող են բոլոր այն դասավանդողներն ու ուսուցիչները, որոնք․

• նախկինում անցել են մեդիագրագիտության թեմայով վերապատրաստում
• ծանոթ են հանրակրթական ծրագրերին, պետական չափորոշչի պահանջներին ու նպատակներին
• հետաքրքված են մեդիագրագիտության թեմայով և կօգտագործեն նոր գիտելիքները կրթական ու վերապատրաստման ծրագրերում
• ունեն վերապատրաստում անցկացնելու փորձ:

Մասնակցության համար պետք է դիմել՝ լրացնելով առցանց հայտը:

Դիմումների ընդունման վերջնաժամկետը հուլիսի 3-ն է։

Մանրամասների համար զանգահարել Մեդիա նախաձեռնությունների կենտրոն, հեռ․ 010583620 կամ գրել ՄՆԿ մեդիագրագիտության մասնագետ Անի Եղիազարյանին [email protected] էլ փոստի հասցեով։

***

Մեդիա նախաձեռնությունների կենտրոնը և Կրթության և գիտության նախարարությունը համատեղ հուշագրով հաստատել են դպրոցներում մեդիագրագիտության ներառման կարևորությունը։

ՄՆԿ ուսուցիչների վերապատրաստման ծրագիրն ընդգրկված է ԿԳՄՍՆ երաշխավորված դասընթացների շարքում։

ՄՆԿ պատրաստել է Մեդիագրագիտության ձեռնարկներ, կրթական նյութեր, առցանց և սեղանի խաղեր; Կամզակերպության ուսումնական ռեսուրսները և նախագծերը ՅՈՒՆԵՍԿՕ-ի կողմից արժանացել են Գլոբալ մեդիա և ինֆորմացիոն գրագիտության գլխավոր մրցանակին 2017 թվականին։  

ՄՆԿ-ի մեդիագրագիտության ռեսուրսներին կարելի է ծանոթանալ media.am կայքում։

Դասընթացն անցկացնում է Մեդիա նախաձեռնությունների կենտրոնը՝ Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության միջոցով իրականացվող «Հայաստանի մեդիայի զարգացման ծրագրի» շրջանակում: Ծրագիրն իրականացնում է Ինտերնյուս կազմակերպությունը՝ Մեդիա նախաձեռնությունների կենտրոնի, Երևանի մամուլի ակումբի և «Զինք» միջազգային կազմակերպության հետ համատեղ։