Ուսումնական ծրագրերի համակարգողի թափուր հաստիք ՄՆԿ-ում

Մեդիա նախաձեռնությունների կենտրոնը փնտրում է ուսումնական ծրագրերի համակարգողի:

 Աշխատանքային պարտականություններ

• Աջակցել ուսումնական բաժնի ղեկավարին ռազմավարության, դասընթացների բովանդակության և ծրագրերի մշակման աշխատանքներում,
• Ղեկավարության հանձնարարությամբ ամբողջությամբ համակարգել փոքրածավալ ծրագրերը,
• Կազմակերպել դասընթացներ և այլ կրթական միջոցառումներ լրագրողների և այլ թիրախային խմբերի համար, ապահովել դրանց կազմակերպչական բաղադրիչը,
• Փնտրել դասընթացավարներ ու փորձագետներ և բանակցել նրանց հետ, կազմել պայմանագրերի նախնական տարբերակները, թարմացնել դասընթացավարների տվյալների բազան և նրանց հետ լինել կապի մեջ,
• Տարածել դասընթացների, կոնֆերանսների և կրթական այլ ձևաչափերի հայտարարություններ, կազմել դիմելու ձևեր, աջակցել դասընթացների նյութերի մշակման, պատրաստման և թարգմանության հարցում,
• Անցկացնել ուսումնական ծրագրերի գնահատում նախապես մշակված մեթոդաբանությամբ,
• Պատրաստել իրականացված ծրագրերի բովանդակային հաշվետվությունները,
• Հաղորդակցվել դասընթացների մասնակիցների հետ, կանխել և լուծել հնարավոր խնդիրները,
• Պատրաստել ուսումնական ծրագրերին առնչվող նյութեր ու փաստաթղթեր, ապահովել փաստաթղթերի կառավարումը,
• Անհրաժեշտության դեպքում կատարել բանավոր և գրավոր թարգմանություններ,
• Աջակցել գաղափարների մշակման, հայտերի պատրաստման, ծրագրերի ղեկավարման և կառավարման հարցերում,
• Կատարել տվյալ հաստիքի շրջանակում այլ հանձնարություններ։

Պահանջվող որակավորումներ

• Բարձրագույն կրթություն լրագրության, հաղորդակցության, կրթության կառավարման կամ հարակից ոլորտներում,
• Նվազագույնը երեք տարվա մասնագիտական փորձ, լրատվական ոլորտի փորձը կդիտարկվի որպես առավելություն,
• Ծրագրերի իրականացմանն առնչվող գիտելիքներ և հմտություններ,
• Հայերեն, անգլերեն և ռուսերեն լեզուներով գրավոր ու բանավոր հաղորդակցության գերազանց հմտություններ,
• Պատկերացում հայաստանյան մեդիա դաշտի մասին, լրատվամիջոցների և լրագրողների հետ կապերը կդիտարկվեն որպես առավելություն,
• Համակարգչին գերազանց տիրապետում (նվազագույնը՝ Word, Excel, Internet browsers), օնլայն հարթակներում աշխատելու հիմնական գիտելիք, մեդիագործիքների և ծրագրերի իմացությունը կդիտարկվի որպես առավելություն,
• Քաղաքացիական հասարակության և միջազգային կազմակերպությունների հետ աշխատելու փորձ,
• Հետաքրքրասիրություն, առագ սովորելու և նոր պայմաններին ադապտացվելու ունակություն, ինքնուրույն և սեղմ ժամկետներում աշխատելու կարողություն:

Դիմելու կարգը

Համապատասխան որակավորում ունեցող հետաքրքրված անձինք կարող են մինչև 2021 թ. սեպտեմբերի 27-ը իրենց համառոտ կենսագրությունն ու հետաքրքրության նամակն ուղարկել [email protected] էլ. հասցեին՝ նամակը վերնագրելով «Training Coordinator»։ Միայն ընտրված թեկնածուները կհրավիրվեն հարցազրույցի: