Մասնագիտական վերականգնողական ճամբար արցախցի լրագրողների համար

Մեդիա նախաձեռնությունների կենտրոնը կազմակերպում է Արցախից բռնի տեղահանված լրագրողների, ինչպես նաև այլ մեդիա բովանդակություն ստեղծողների համար երկրորդ Մասնագիտական վերականգնողական ճամբարը։

Ճամբարի ընթացքում մասնակիցները հնարավորություն կունենան հանդիպելու մեդիա փորձագետների, քաղաքագետների, հոգեբանների, գործընկեր լրագրողների հետ, կիսելու սեփական փորձը և քննարկելու իրավիճակն ու ոլորտում իրենց հետագա անելիքը։ Ճամբարի շրջանակում կանցկացվեն նաև մասնագիտական վարպետանոցներ, կներկայացվեն աշխատանքային գործիքներ։

Ճամբարն անցկացվելու է հունվարի 31 ից- փետրվարի 4-ը։

Ճամբարի քննարկման և ուսումնասիրման հիմնական թեմաներն են՝

• Արցախից տեղահանվածների խնդիրները,
• Լրագրողների անվտանգության խնդիրները,
• Թվային անվտանգությունը,
• Զգայուն թեմաների էթիկան և պատասխանատվությունը,
• Մարդու իրավունքների հիմնահարցերը,
• Հոգեկան առողջության հարցերը ճգնաժամային իրավիճակներում։

Ճամբարի մասնակիցները

• Հնարավորություն կունենան շփվելու գործընկերների հետ առօրյա հոգսերից ու խնդիրներից դուրս, կբանավիճեն, կդիտեն ֆիլմեր և միասին կաշխատեն
• Մասնագետների հետ կքննարկեն իրենց գաղափարներն ու դրանք իրագործելու մեթոդները,
• Հնարավորություն կունենան դիմելու դրամաշնորհային ծրագրի՝ իրենց նախագծերն իրագործելու համար։ Այդ նպատակով ժամանակ կհատկացվի թեմաների, գաղափարների, դրամաշնորհին դիմելու ձևերի քննարկման համար։

Ճամբարը նախատեսված է մինչև 15  մասնակցի համար։

Ովքեր կարող են դիմել․

Արցախից բռնի տեղահանված լրագրողները, բլոգերները, փոդքասթերները և սոցիալական ցանցերում մեդիա բովանդակություն ստեղծողները, որոնք լուսաբանում են ներկա իրադարձությունները։

Ճամբարին դիմելու կարգը․

Մասնակցելու համար անհրաժեշտ է լրացնել հետևյալ հայտադիմումը։

Վերջնաժամկետ․

Դիմելու վերջնաժամկետը 2023-ի դեկտեմբերի 25-ն է։

Հարցերի դեպքում խնդրում ենք գրել Արփի Բեքարյանին՝ [email protected] էլ հասցեով։

Ծրագիրը ֆինանսավորվում է Եվրոպական Միության կողմից։