Հետպատերազմյան տնտեսություն․ ինչպե՞ս լուսաբանել դրամի արժեզրկումը

Նոյեմբերի 27-ին, ժամը 17։00-ին Մեդիա նախաձեռնությունների կենտրոնը հրավիրում է լրագրողներին հետպատերազմյան տնտեսական խնդիրների և դրամի արժեզրկման թեմայով առցանց քննարկման։

Հանդիպման բանախոսներն են ԵՊՀ տնտեսագիտության ֆակուլտետի ֆինանսահաշվային ամբիոնի վարիչ, ֆինանսիստ-տնտեսագետ Հայկ Մնացականյանը և «Հետք»-ի տնտեսական լրագրող Սեդա Հերգնյանը։

Կքննարկվեն հետևյալ հարցերը․ 

• Ի՞նչ է պետք իմանալ դրամի արժեզրկման մասին. ինչպե՞ս և ի՞նչ աղբյուրներից հետևել տվյալներին
• Ի՞նչ գործոններ են ազդում դրամի տատանումների վրա
• Ի՞նչպես և ի՞նչ օղակներով է դրամի արժեզրկումն ազդում տնտեսության վրա
• Ի՞նչ դեր ունի ԿԲ-ն արտարժույթի շուկայում

Լրագրողները կարող են բանախոսներին ուղղել այս թեմայի շուրջ իրենց հետաքրքրող հարցերը։

Հայկական դրամն արդեն երկրորդ ամիսն է արժեզրկվում է ամերիկյան դոլարի նկատմամբ։ Դոլարը սկսել է թանկանալ սեպտեմբերի 29-ից՝ արցախա-ադրբեջանական սահմանին սկսված պատերազմից երկու օր անց։ Հասարակության մոտ սա բազում հարցեր է առաջացնում։ Հաճախ այս թեմաների շուրջ մարդիկ մեդիայից ստանում են միայն պաշտոնական հաղորդագրություններ և շատ հարցեր մնում են անպատասխան։

Այս քննարկման նպատակն է օգնել րագրողներին ավելի լավ հասկանալ դրամի արժեզրկման ռիսկերն ու հետևանքները և ավելի խորքային ներկայացնել դրանք լսարանին։  

Քննարկմանը մասնակցելու համար լրացրե՛ք հետևյալ հայտը  մինչև նոյեմբերի 27-ը, ժամը 12։00 և էլ․փոստով կստանաք հանդիպմանը միանալու հղումը։

Լրացուցիչ տեղեկությունների համար կարող եք զանգահարել +374 35 58 36 35 կամ գրել [email protected] էլ․հասցեին։

Քննարկումն անցկացվում է Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության միջոցով իրականացվող «Մեդիան քաղաքացիների տեղեկացված մասնակցության համար» ծրագրի շրջանակում: