- September 2, 2024
- Posted by: admin
- Category: Հնարավորություններ
Շարունակվող և նորահայտ աղետներն ու արտակարգ իրավիճակները մասնագիտական նոր մարտահրավերների առաջ են կանգնեցրել լրագրողներին․
Մեդիա նախաձեռնությունների կենտրոնը հրավիրում է մասնակցելու ճգնաժամերի և մարդասիրական թեմաների լուսաբանման քառօրյա դասընթացի, որը ներառում է մասնագիտական վերապատրաստում, ծանոթություն նոր հմտությունների, ժանրերի և ձևաչափերի հետ։
Մասնակիցները հնարավորություն կստանան գործնականում կիրառել նոր գիտելիքներն ու փորձառությունը Լոռու մարզում՝ ջրհեղեղից տուժած Ալավերդի համայնքում։
Դասընթացը ղեկավարելու համար Հայաստան է հրավիրվել Նատալի Պրևոն (Nathalie Prevost)։ Նա Ֆրանսիայում ապրող լրագրող է, մեդիա խորհրդատու և հաղորդակցության փորձագետ։ Նատալի Պրևոն ճգնաժամերի և մարդասիրական թեմաների լուսաբանման 30 տարվա փորձ ունի։ Մասնագիտացած է մարդու իրավունքների և անվտանգության հարցերում։
Դասընթացի փուլերը և ժամկետները․
սեպտեմբերի 22, 23, Երևան – արդի մարտահրավերներ և տեսություն
Միջազգային և տեղացի բանախոսներ, թեմային առնչվող տեղական և միջազգային օրենսդրական կարգավորումներ, մասնագիտական էթիկա
սեպտեմբերի 24, 25, Ալավերդի – գործնական և հետազոտական աշխատանք
Ի՞նչ է փոխվել ամիսներ անց աղետի գոտում, ինչպիսի՞ հումանիտար հարցեր են ծագել, ո՞ր խնդիրներն են դուրս մնացել ուշադրությունից։ Աշխատանքը կկազմակերպվի Անկյուն+3 հեռուստաընկերության հետ համատեղ։
Մասնակցության համար անհրաժեշտ է լրացնել առցանց հայտը։
Դիմելու վերջնաժամկետը սեպտեմբերի 18-ն է։
Մասնակիցները կընտրվեն մրցութային կարգով․ առավելություն կհամարվեն ճգնաժամերի լուսաբանման փորձը, թեմայի շուրջ հրապարակումների առկայությունն ու հետաքրքրվածությունը։
Հարցերի և լրացուցիչ տեղեկությունների համար կարող եք գրել [email protected] էլ․ հասցեին։
Դասընթացը հնարավոր է դարձել Ամերիկայի ժողովրդի առատաձեռն աջակցությամբ՝ ԱՄՆ Միջազգային զարգացման գործակալության (ԱՄՆ ՄԶԳ) միջոցով:
