- April 14, 2026
- Posted by: admin
- Category: Հնարավորություններ
Մեդիա նախաձեռնությունների կենտրոնը հրավիրում է մասնակցելու «Թվապատում․ Aftershock 2026» տարածաշրջանային կոնֆերանսին, որը կկայանա ապրիլի 17-18-ին Երևանում։
Այս տարվա թեման՝ մեդիան պատերազմի և ճգնաժամի ժամանակ, ցավոք շարունակում է մնալ չափազանց արդիական։
Այսօրվա աշխարհում, որտեղ շարունակվում են պատերազմներն ու հակամարտությունները՝ այդ թվում մեր տարածաշրջանում, լրագրությունը կանգնած է լուրջ փորձությունների առաջ։
Որն է մեդիայի դերը՝ հայտնվելով պատերազմի և խաղաղության մեջտեղում, տեղեկատվական բախումների և ներքին բևեռացման պայմաններում, շարունակական ճգնաժամերի միջավայրում։
Կոնֆերանսի ընթացքում բանախոսները տարբեր երկրներից ՝ Մեծ Բրիտանիայից, Սիրիայից, Մոլդովայից, Ուկրաինայից, Վրաստանից, Լեհաստանից և Հայաստանից, կկիսվեն իրենց փորձով և կքննարկեն այնպիսի թեմաներ, ինչպիսիք են տեղեկատվական պատերազմը, խաղաղության լրագրությունը, մեդիայում ատելության խոսքը, մասնագիտական էթիկան, ապատեղեկատվությունն ու փաստերի ստուգումը, աղբյուրների և տվյալների հետ աշխատելը, արհեստական բանականության կիրառումը, ինչպես նաև գործնական և անձնական մարտահրավերները, որոնց բախվում են լրագրողները ճգնաժամային իրավիճակներ լուսաբանելիս։
Անցկացման օրերը և վայրը՝ ապրիլի 17-18, Holiday Inn Yerevan, «Երևան» սրահ (Ամիրյան 2):
Մասնակցության համար անհրաժեշտ է գրանցվել՝ Թվապատում․ Aftershock 2026 – Fill out form
Գրանցված մասնակիցները կստանան կոնֆերանսի ամբողջական օրակարգն ու մանրամասները։
Կոնֆերանսը նախատեսված է լրագրողների, խմբագիրների, մեդիա մենեջերների, փորձագետների և ուսանողների համար։
Աշխատանքային լեզուներն են հայերենն ու անգլերենը՝ համաժամանակյա թարգմանությամբ։