Փաստերի ստուգման լրագրության դպրոց

Մեդիա նախաձեռնությունների կենտրոնը հայտարարում է փաստերի ստուգման լրագրության դպրոց լրագրողների, ինչպես նաև նրանց համար, ովքեր ցանկանում են մասնագիտանալ փաստերի ստուգման լրագրության ոլորտում։

Դպրոցը կվարի Ստեփան Գրուզոն (Stéphane M. Grueso) ՝ փաստերի ստուգման իսպանական Մալդիտա կազմակերպության ուսումնական բաժնի ղեկավարը։ Ներգրավված կլինեն նաև տեղացի մասնագետներ, բանախոսներ։

Դասերի ընթացքում մասնակիցները կսովորեն՝

• Ինչ է փաստերի ստուգման լրագրությունը,
• Ինչպես ընտրել փաստերի ստուգման թեմա,
• Ինչպես ստուգել լուսանկարներն ու տեսանյութերը,
• Ինչպես դիմագրավել Արհեստական բանականության մարտահրավերներին,
• Ինչ գործիքներ և մեթոդներ կիրառել տարբեր նյութերի վրա աշխատելիս,
• Ինչպես լսարանի համար մատչելի և պատկերավոր ներկայացնել փաստերի ստուգման պատմությունները։

Դպրոցը կացկացվի սեպտեմբերի 17-21-ը Ծաղկաձորում։ Մասնակիցները պետք է ներկայանան գաղափարով, որը կարող է փաստերի ստուգման կամ հետաքննության նյութ դառնալ։ Դասերի ընթացքում նրանք կզարգացնեն իրենց գաղափարները և դպրոցի ավարտին կներկայացնեն դրանք Հայաստանում փաստերի ստուգմամբ զբաղվող խմբագրությունների ներկայացուցիչներին։ Եթե գաղափարը հետաքրքրի նրանց, հնարավոր է՝ հեղինակները համագործակցության առաջարկներ ստանան տարբեր խմբագրությունների փաստեր ստուգող թիմերից։

Դպրոցին մասնակցելու համար անհարժեշտ է լրացնել հետևյալ օնլայն հայտը։

Մասնակիցներն ընտրվելու են մրցութային կարգով։ Հայաստանում փաստերի ստուգման «Փաստացի» ցանցի անդամ կազմակերպությունները ներկայացնող թեկնածուները կունենան դպրոցին առաջնահերթ մասնակցության իրավունք։

Դիմելու վերջնաժամկետը՝ սեպտեմբերի 10-ն է։

Հարցերի և լրացուցիչ տեղեկությունների համար՝ գրեք [email protected] էլ․ հասցեով:

Դասընթացը կազմակերպվել է Եվրոպական Միության ֆինանսավորմամբ իրականացվող «Մեդիայի որակի և դիմակայունության նախաձեռնություն» ծրագրի շրջանակում: