BBC-ի արաբական ծառայության փորձը. երկու հանդիպում Էդմոնդ Սաբելայի հետ

Հունիսի 7-ին և 8-ին Մեդիա նախաձեռնությունների կենտրոնը հյուրընկալելու է BBC-ի արաբական ծառայության տնօրեն, ծագումով հայ Էդմոնդ Սաբելային:

2 կարճ դասընթացով նա կներկայացնի BBC-ի փորձը տեղեկատվական և ֆիզիկական անվտանգության ոլորտում, կկիսվի մոբայլ լրագրության և ուղիղ եթերում աշխատելու իր հմտություններով։

Դասընթաց 1. հունիսի 7 ժ. 14:00-17:00

Թեմա. Լրագրողների ֆիզիկակական և տեղեկատվական անվտանգությունը

Աշխատանքը արտակարգ իրավիճակներում.

— ինչպես նախապատրաստվել
— ինչպես պաշտպանվել հնարավոր վտանգներից
— ինչպես հաղթահարել հոգեբանական տրավման և սթրեսը
— անհատական և թիմային անվտանգությունը
— առաջին օգնության հմտություններ

Տեղեկատվական անվտանգության  BBC-ի փորձը.

— ինձնական տվյալների պաշտպանությունը ինտերնետում
— ինչ վտանգներ կան սոցիալական ցանցերում
— իչպես կատարել անվտանգ օնլայն  վճարումներ

Նախատեսված է պրոդյուսերների, խմբագիրների, լրագրողների, օպերատորների, սոցիալական մեդիա մենեջերների համար:

Դասընթաց 2. hունիսի 8 ժ. 15:00-17:00

Թեմա. Մոբայլ լրագրություն

— լրագրության վերջին միտումները
— ինչպես աշխատել դեպքի վայրում գերարագ
— աշխատանքն առանց թիմի
— ինչպես են լայվսթրիմ անում BBC-ում
— նկարահանում առանց մոնտաժի

Նախատեսված է լրագրողների, օպերատորների, պրոդյուսերների և բլոգերների համար։ Աշխատանքային լեզուն հայերենն է:
Դասընթացներն անցկացվելու են Մեդիա նախաձեռնությունների կենտրոնում, հասցեն՝ Արշակունյաց 3, 3-րդ հարկ:
Դասընթացին մասնակցելու համար անհարժեշտ է լրացնել գրանցման թերթիկը  մինչև հունիսի 5-ը։ Լրացուցիչ տեղեկությունների համար կարող եք գրել Մանե Գրիգորյանին mgrigoryan@mediainitiatives.am էլ.փոստի հասցեով կամ զանգահարել 010 583620 (131) հեռախոսահամարով։​


Էդմոնդ Սաբելան հակամարտության գոտիներում աշխատանքի մեծ փորձ ունի. լուսաբանել է Աֆղանստանի, Իրաքի պատերազմները և Հարավային Լիբանանի հակամարտությունը: Աշխատել է լիբանանյան վիդեո արտադրող մի շարք ընկերություններում, լրատվամիջոցներում՝ որպես օպերատոր, մոնտաժող, խմբագիր: 2007 թ-ից ղեկավարում է BBC-ի արաբական ծառայությունը, նաև ներգրավված է ուղիղ եթերների հեռարձակման և վավերագրական ֆիլմերի արտադրության աշխատանքներում: Կուտակած փորձը ոլորտի մասնագետների հետ կիսում է տարբեր դասընթացների շրջանակում:


Դասընթացն անցկացվում է Ամերիկայի ժողովրդի աջակցությամբ՝ ԱՄՆ Միջազգային զարգացման գործակալության միջոցով իրականացվող «Մեդիան քաղաքացիների տեղեկացված մասնակցության համար» ծրագրի շրջանակում: